Gat-garièr

Eth Gat-garièr (Felis silvestris) ei un mamifèr carnivòr de costums nocturnes que se dèishe veir pòc. Ei er unic felin autoctòn qu’auem ena Val e damb era problematica que cada viatge mès s'ibride damb eth gat domètge. Se pòt diferenciar deth gat pes didaus neri dera coa e pr’amor qu’era sua mida ei plan grana.

QUÉ HÈM?

Des d'Aran pera Natura e en collaboracion damb eth Grupo Felis del ICHN, s'amie a tèrme er estudi deth gat-garièr en territòri aranés.

Eth seguiment se hè mesadèraments pendent es mesi de març a junh en tot revisar es 12 cameres de fòtoparanh repartides en diferents airaus d'estudi. A mès, se realize un seguiment adicionau per miei dera implementacion de transèctes entà detectar era preséncia dera espècia, e se procedís ara arremassada des sòns excrements damb era intencion d'obtier donades relatives ath grad d'introgression genetica que patís coma conseqüéncia dera sua ibridacion damb eth gat domètge.

OBJECTIUS

• Estimar era poblacion en Aran.

• Conéisher, mejançant mòstres d'excrements, es percentages d'ibridacion damb eth gat domètge.

• Contribusir ena coneishença dera distribucion dera espècia.

• Dar a conéisher era fauna dera Val d'Aran.