Projècte TaüllOrgànics: tradicion millenaria e salut naturau.

Dempús dera bona acuelhuda des anteriores sessions, vos convidam a ua naua conferéncia dera man de TaüllOrgànics, un projècte familhar dera Vall de Boí comprometut damb era conservacion der entorn naturau e damb era preservacion e transmission der us tradicionau des plantes medicinaus deth Pirenèu.

En aguesta ocasion, poderam conéisher d’apròp era istòria e era filosofia deth projècte, qu’en 2008 neishec damb Ana Sirvent e Juan Luis damb era volontat de recuperar e méter en valor es coneishements ancestraus ligats as plantes medicinaus de nauta montanha. Aué, TaüllOrgànics contunhe eth sòn camin damb eth cultiu ecologic d’espècies silvèstres deth Pirenèu, en un entorn privilegiat com era Vall de Boí.

Era conferéncia “Projècte TaüllOrgànics: tradicion millenària e salut naturau”, a cargue d’Ana Sirvent, serà ua oportunitat entà conéisher era sua experiéncia, descurbir era valor des plantes medicinaus deth Pirenèu e reflexionar sus era relacion entre es sabers tradicionaus, era salut e era conservacion deth nòste auviatge naturau.

📅 Dissabte, 22 d'agost de 2026
🕕 18:00h
📍 Aubèrja Matacabòs

Ua conferéncia dubèrta a toti es publics, pensada tant entàs persones apassionades pera natura coma entad aqueres que volguen conéisher un projècte ligat ara nòsta montanha, as plantes medicinaus e ara transmission d’un patrimòni viu.

Vos i demoram! 🌱