Noticíes

20/06/2026

Diari SEGRE

Educacion ambientau entà toti

Era associacion Aran pera Natura organize talhèrs de seguiment de fauna entà mostrar era riquesa deth patrimòni naturau dera Val. Premanís activitats entàs toristes. 

08/06/2026

Instagram @Aranperanatura

Auem tornat a celebrar era Setmana dera Natura! 💚

Un còp mès, auem demostrat que quan administracions, entitats e ciutadania trabalhen amassa, era educacion ambientau se convertís en un estrument poderós entà apropar ath nòste entorn naturau e fomentar era sua conservacion. 🌍

Pendent aguesti dies auem compartit activitats, talhèrs, gessudes e experiéncies que mos an permetut descorbir, avalorar e gaudir dera natura que mos entornege. 🏔️🐾🐸🐞🦋🦌🌲🌸

Cada participacion, cada qüestion, cada rialha e cada moment compartit an contribuït a hèr d’aguesta edicion un vertadèr succès. ✨

Fòrça gràcies a totes e toti. Eth vòste supòrt e entosiasme son fonamentaus pr’amor qu’iniciatiues coma aguesta contunhen créishent an darrèr an. 💫💚

11/06/2026

Torisme Val d'Aran

Era Val d’Aran amague ua extraordinària riquesa ecologica; bòsqui, rius, fauna, flòra e ecosistèmes unics que formen part deth nòste patrimòni naturau. A trauès des talhèrs e activitats especifiques, vos convidam a observar, compréner e valorar aguest entorn privilegiat d’ua manèra participativa e enriquidora.

25/03/2026

Xarxa per la Conservació de la Natura

Inés Piazuelo Arigós, d'Aran pera Natura, "Volem conservar el patrimoni natural de la Val d'Aran i apropar-ho a la ciutadania, posant en valor l'aranès". 

09/02/2026

🤩 Èm fòrça emocionadi de poder compartir, fin finau, aguest projècte de restauracion de coms ena Val d’Aran a on portam mesi en tot trabalhar entà que tornen a èster foncionaus e segurs.

🐮 Es coms son elements tradicionaus deth nòste paisatge e formen part der auviatge deth territòri, a mès d’èster un recors essenciau entara fauna sauvatge e entath bestiar.

🐸 Totun, quan non foncionen correctament pòden convertir-se en un risc entà bèri animaus, especiaument es amfibis, qu’entren entà cercar aigua pendent era reproduccion e acaben atrapats degut as parets planères e esguitlantes o ara fauta d’aigua.

⚒️ Des d’Aran pera Natura auem restaurat 6 coms ena Val d’Aran. Aguest reel se centre en rèpte mès gran deth projècte: era restauracion deth com de Pruedo, que presentaue un estat de degradacion fòrça auançat, granes dimensions e ua ubicacion que compliquec notablement era gestion e execucion des trabalhs. Mès ac auem artenhut!

🧑🏻‍🏫 Se voletz conéisher mès detalhs sus es actuacions amiades a tèrme, lèu publicaram es dates des sessions informatiues adreçades ara poblacion d’Aran, a on vos explicaram eth projècte mès prigondament.

💚 Demoram era vòsta assisténcia!

👉🏻 Aguest projècte s’a realizat gràcies ar hons de financiacion d’actuacions ena zòna d’influéncia socioeconomica deth Parc Nacionau d’Aigüestortes e Estany de Sant Maurici en marc deth Plan de recuperacion, transformacion e resiliéncia finançat pera Unión Europea-NextGenerationEU, corresponent a 2024-2026 (ref. BDNS 788662).

🍀 Gràcies a tota era equipa qu’a prenut part en aguesti trabalhs e as ajuntaments de Betren, Gausac, Aubert, Vilac, Arties e Naut Aran per acceptar era nòsta prepausa.

🏔️ Auem recuperat foncionalitat, auviatge e biodiuersitat!

28/10/2025

Eth maitin d'Aran - 3Cat

Aran pera Natura presente ua naua guida sus es audèhts mès comuns de casa nòsta.

08/08/2023 

Eth maitin d'Aran

Eth seguiment des arrats-dromilhèrs en Aran, un modèl entà crear hilat.

06/07/2023 

Se detècte era preséncia d'un gat-putz per prumèr còp en 50 ans ena Val d'Aran. Er animau, considerat un des carnivòrs mès menaçats dera fauna en Catalonha, sonque se tròbe registrat en bèri punts deth Gironès, enes planes deth Alt e Baix Empordà e ena cabeçada deth Ter en Ripollès.