Embedded Files
Convertir-te en sòci collaborador dera Comunitat Aran pera Natura ei ua forma simpla e dirècta de sostier de manèra contunhada era conservacion dera natura.
Sonque cau realizar ua aportacion annau que sigue mínimum de 60€. Tu decidisses segontes es tues possibilitats. Damb aguesta contribucion establa, mos ajudes a planificar e dar continuïtat as projèctes de seguiment de fauna, recèrca, restauracion d'espacis naturaus e educacion ambientau ena Val d’Aran.
Èster sòci collaborador signifique formar part de manèra activa en projècte, en tot sostier contunhadament eth trabalh que realizam sus eth terren e contribusint a protegir era biodiversitat deth territòri mejançant era realizacion d'aportacions economiques e en tot dar-mos era tua opinion ena Amassada Generau.
Aguesta Amassada se realize un viatge ar an, ena quau mos poiràs hèr a arribar es tues inquietuds ambientaus, conéisher naues idies e hèr mès participativa era conservacion dera naturalesa ena Val d’Aran. Ath delà, receberàs ua newsletter annau damb toti es projèctes realizadi pera associacion pendent er an e tanben te convidaram a participar en jornades tecniques de trabalh que realizam, coma seguiments de fauna e d'auti projèctes. Tanben te daram era samarreta d'enguan e t'ahigeram a un grop de Whatsapp dera Comunitat Aran pera Natura.
Eth tòn supòrt, per petit que sigue, mèrque era diferéncia. Gràcies as persones sòcies podem contunhar creishent, actuant e defenent era natura cada dia.
Entà hèr-te sòci collaborador, realiza ua donacion en concèpte de "sòci collaborador" damb un impòrt minim de 60€ ena següent plataforma: e autoriza facilitar es tues donades damb era nòsta entitat entà poder registrar-te coma sòci collaborador.
Eth tòn donatiu a importanti auantatges fiscaus, descurbís-les.
Page updated
Google Sites
Report abuse