Perqué donar?

Eth tòn donatiu mos ajude a contunhar trabalhant ena conservacion e proteccion deth mèdi ambient dera Val d'Aran a trauès d’accions reaus e damb impacte dirècte en territòri.

• Seguiment de fauna                                                                 

Ajudaràs a monitorizar e estudiar es poblacions de fauna deth territòri, en tot compréner milhor es sòns besonhs, comportaments e menaces. Açò mos permet d'implementar estratègies de conservacion mès eficaces e adaptades a cada espècia. 

• Projèctes de restauracion

Contribusiràs ara recuperacion d’espacis degradadi, en tot retornar-les era sua valor ecologica, era sua biodiversitat e era sua beresa naturau.

• Educacion ambientau

Sostieràs programes educatius e activitats de sensibilizacion qu’ensenhen era importància de suenhar e respectar eth mèdi ambient entre es futures generacions.

Cada aportacion compde. Gràcies ara tua collaboracion podem contunhar desvolopant e hènt a créisher eth projècte, en tot impulsar accions reaus de conservacion, proteccion e restauracion deth mèdi naturau.

Es aportacions economiques destinades a sostier es projèctes d’Aran pera Natura se canalizen a trauès dera Xarxa per a la Conservació de la Natura (XCN), ua entitat declarada d’utilitat publica, mejançant era sua plataforma Donant Ambiental. 

Gràcies ad aguesta collaboracion, es donacions pòden acuélher-se as beneficis fiscaus previsti pera legislacion en vigor, mentre qu’Aran pera Natura recep eth supòrt destinat as sues iniciatives de conservacion, restauracion e difusion dera natura.

Ath delà de collaborar damb ua causa ambientau, eth tòn donatiu a importanti auantatges fiscaus, descurbís-les.

DONACIONS