Ermini

Er Ermini (Mustela erminea) ei un mamifèr carnivòr dera familha des mustelids coma eth gat-putz o era panquèra. Er ermini, com aspècte diferenciador, presente ua coloracion diferenta segons era epòca dera an: en ostiu presente ua tonalitat marrona damb eth vrente blanc, mentre qu'en iuèrn, eth peu blanc corbís tot eth sòn còs, çò que li da era capacitat de camoflar-se ena nhèu. Era soleta caracteristica que manten tot er an ei eth color nere ena punta dera sua coa.

QUÉ HÈM?

Eth seguiment der ermini se pòrte a tèrme per miei dera utilizacion de 3 caishes de fòtoparanh. Aguestes caishes simulen un horat o cau entre es ròques e quan er animau, de caractèr mès a lèu curiós, s'i acale, ua camera amagada en interior s'active en tot capturar çò que passe. Eth seguiment ei d'ua duracion d'apruprètz 50 dies en cada airau d'estudi deth territòri aranés, pendent tot er an.

OBJECTIUS

• Conéisher era ditribucion dera espècie en territòri aranés.

• Conéisher milhor era biologia e ecologia dera espècia.

• Dar a  conéisher era fauna dera Val d'Aran