Audèths

Eth programa de Seguiment d’Audèths Comuns en Catalonha (SOCC) ei un projècte impolsat per Institut Catalan d’Ornitologia (ICO) er objectiu deth quau ei estudiar es tendéncies poblacionaus des audèths comuns en territòri, çò que permet de generar indicadors avaloratius der estat de conservacion dera zòna d’estudi.

QUÉ HÈM?

Se realize eth seguiment de 5 linhes distribusides en disparières zònes dera Val d’Aran. Er itinerari de cada linha cònste d’un trajècte d’apruprètz 3 Km en quau er ornitològ o ornitològa observador apunte totes aqueres espècies qu’identifique tant visuau com auditivament. Se realizen 4 censi ar an, dus en iuèrn e dus en primauera, damb era intencion de poder detectar es espècies nidificantes e es espècies que passen er iuèrn ena zòna.

Gràcies a d’aguest estudi se pòden dedusir es tendéncies poblacionaus des audèths d’un territòri a long e cuert plaç, en tot convertir-les en valuosi bioindicadors de possibles cambis en ambient e en estat de conservacion deth mèdi. 

OBJECTIUS

• Conéisher era evolucion a miei e long termini des poblacions d'audèths coma indicadors dera qualitat deth mèdi. 

• Conéisher tant es tendéncies des diuèrses espècies coma es associades as diferenti abitats.