Arrat-dromilhèr

Hè mès de 10 ans que se hè eth seguiment d’aguesti petiti mamifèrs (Glis glis). Damb un aspècte entre es arrats e es esquiròs, es arrats-dromilhèrs son es reis dera iuernacion. Ei ua espècia sensibla as cambis climatics e ambientaus e, per tant, un bon indicador bioclimatic. 

QUÉ HÈM?

En Aran pera Natura e en collaboracion damb eth Projècte Liró, auem 5 estacions de seguiment que se visiten un còp ath mes, de junh enquia octobre. Es arrats-dromilhèrs que se tròben enes caishes-nin se pesen, se mesuren, se mèrquen, se campe eth sòn sèxe e era edat e fin finau se dèishen anar. 

OBJECTIUS

• Dar a conéisher aguesti mamifèrs as persones interessades.

• Saber milhor com viuen e se botgen.

• Fomentar eth volontariat en tèmes ambientaus e seguiment de flòra e fauna en Aran. 

• Aumentar era aufèrta d'eveniments d'educacion ambientau.

• Milhorar eth coneishement en tèrmes generaus deth mèdi ambient.  

• Utilizar aguesta espècia coma bioindicadora deth cambi climatic.