Estimadi collaboradors, 

èm emocionadi d'aufrir-vos ua forma incredibla d'ajudar ara vida silvèstra. Auem lançat ua campanha entà apairinar caishes-nin d'arrats-dromilhèrs (Glis glis), e volem que te i junhes!.

Perqué apairinar ua caisha-nin?

• Protegir era fauna locau: es caishes-nin proporcionen un larèr segur entàs lirons, qu'ath delà, se passen tot eth dia en tot dormir!

• Monitorejar era vida sauvatja: apairinant ua caisha-nin mos permet seguir d'apròp era vida des lirons, recuélher donades importantes e ajustar es nòstes estratègies de conservacion segontes sigue de besonh. 

Com apairinar ua caisha-nin?

1. Met-te en contacte damb nosati a trauès deth corrèu electronic aranperanatura@gmail.com en tot sollicitar eth apairinament. 

2. Escuelh era tua caisha-nin: te daram a escuélher diuèrses ubicacions enes que i demoram trobar ad aguesti animaus e que mos faciliten realizar eth seguiment. 

3. Hè era tua donacion: damb ua contribucion de 50€ apairinaràs ua caisha e apuaràs es nòsti projèctes de conservacion. Era tua donacion se destine ara fabricacion, installacion e mantieiment des caishes-nin. 

4. Recep eth tòn certificat: dempús d'apairinar era caisha-nin, receberàs un certificat de apairinament damb detalhs sus era ubicacion dera caisha e er impacte dera tua contribucion. 

Eth tòn apairinament non sonque proporcione un refugi essenciau entath liron, senon que tanben apue es nòsti esfòrci entà protegir e conservar eth medi ambient.