Te convidam a participar en aguest emocionant projècte de sciéncia ciutadana. Compdar es audèths de jardin contribusís a un estudi que cerque analisar com es audèths hèn a servir petiti espacis verdi en zònes urbanizades. 

Perqué es audèths de jardin?

Se tracte d'ua collaboracion fòrça simpla e que se pòt realizar de forma quotidiana sense invertir massa temps. Era informacion recuelhuda pes volontaris mos ajude a compréner: 

• Quan e perqué es audèths visiten es jardins. 

• S'es audèths migratòris arriben abans quan era primauera s'auance. 

• Se mès audèths d'alimentacion granivora visiten es jardins quan manque aliment naturau en iuèrn. 

• Com afècte eth desvolopament urban. 

• Eth ròtle ecologic des jardins en zònes ruraus. 

Com participar?

1. Escuelh un espaci e met-li nòm: pòt èster eth tòn jardin, uart o un parc. 

2. Localiza-lo e envia-mos era sua ubicacion. 

3. Registrar es observacions (ficha de camp ara seguida )

• Indica eth nòm der espaci e era data.

• Anòta er intervau de temps: ora d'inici e finalizacion. 

• Compda es audèths: registra eth nombre d'individús de cada espècia qu'ages podut determinar pendent eth temps definit.

Pòs realizar eth cens tanti còps com volgues, encara que se recomane realizar-lo aumens dus còps ar an: era darrèra setmana de gèr e era darrèra setmana de mai.